Мектептегі тамақтану

Құрметті КММ «№7 жалпы орта  білім беретін мектебі» оқушыларының ата-аналары!

Сіздерге 2026–2027 оқу жылына тегін ыстық тамақпен қамтамасыз етуге құжаттарды қабылдау 2026 жылғы 1 тамыздан 25 тамызға дейін жүргізілетінін хабарлаймыз.

-Құжаттарды қабылдау күн сайын 09:00-ден 18:00-ге дейін жүргізіледі.

-Түскі үзіліс: 13:00-ден 14:00-ге дейін.

Құжаттарды №8 кабинетке тапсыру қажет:

-тәрбие жұмысы жөніндегі директордың орынбасары Абилькасимова   Ажар Жабаговна 
(ұялы тел.: 8 702 597 52 02);

-әлеуметтік педагог Алиева   Индира Сериковна
(ұялы тел.: 8 776 165 95 55)​

Жалпы білім беретін мектептерде білім алушылар мен тәрбиеленушілердің жекелеген санаттарына тегін және жеңілдетілген тамақтануды ұсыну» мемлекеттік қызметін көрсетуге қойылатын негізгі талаптар тізбесі.

Құжаттар тізімі:

1. өтініш;
   2) ата-аналардың жеке басын куәландыратын құжат (жеке басын сәйкестендіру үшін қажет);
   3) баланың туу туралы куәлігінің көшірмесі (жеке сәйкестендіру үшін қажет);
   4) некеге тұру немесе бұзу туралы куәліктің көшірмесі;
   5) мәртебесін растайтын құжаттың көшірмесі:
   а) мемлекеттік атаулы әлеуметтік көмекті алуға құқығы бар отбасылардан шыққан балалар үшін - көрсетілетін қызметті алушының (отбасының) жергілікті атқарушы органдар ұсынатын мемлекеттік атаулы әлеуметтік көмекті тұтынушылар қатарына жататынын растайтын анықтама;
   б) жан басына шаққанда орташа табысы күн көріс деңгейінен төмен, мемлекеттік атаулы әлеуметтік көмек алмайтын отбасылардан шыққан балалар үшін - алған табысы туралы құжаттар (жұмыс істейтін ата-аналардың немесе оларды алмастыратын адамдардың жалақылары туралы, кәсіпкерліктен және басқа да қызмет түрлерлерінен түсетін табыстары туралы, балаларға және басқа да асырауындағыларға төленетін алимент түріндегі табыстары туралы анықтама);
   в) отбасында тәрбиеленетін жетім балалар, ата-анасының қамқорлығынсыз қалған балалар үшін - жетім балалар мен ата-анасының қамқорлығынсыз қалған, отбасыда тәрбиеленетін балалар үшін қорғаншылықты (қамқоршылықты), патронаттық тәрбиелеуді бекіту туралы уәкілетті органның шешімі;

г) төтенше жағдайлардың салдарынан шұғыл көмекті талап ететін отбасылардан шыққан және білім беру ұйымының алқалы басқару органы айқындайтын білім алушылар мен тәрбиеленушілердің өзге де санаттарына жататын балалар үшін - отбасының материалдық-тұрмыстық жағдайын тексеру негізінде алқалы орган айқындайды.
Құжаттар салыстыру үшiн түпнұсқада ұсынылады, содан кейiн түпнұсқалар көрсетілетін қызметті алушыға қайтарылады.